《一位團友的分享》

這是我的生活見證,不留名,希望透過分享,激勵到身邊基督徒朋友

今天早上,我發現銀禧對面單車徑場上又多了幾個噴字,什麼死全家……。火上心頭,我低下頭默默禱告,因為我怕,怕望多睇自己會更嬲,情緒更差。當下禱告,腦海出現 :

不 但 如 此 、 就 是 在 患 難 中 、 也 是 歡 歡 喜 喜 的 . 因 為 知 道 患 難 生 忍 耐 . 忍 耐 生 老 練 . 老 練 生 盼 望 .盼 望 不 至 於 羞 恥 .因 為 所 賜 給 我 們 的 聖 靈 、 將 神 的 愛 澆 灌 在 我 們 心 裡 。
《羅馬書 5章3 – 5節》

我的怒氣,隨著我急急忙忙嘅腳步,低著頭想逃避望到嘅態度,令我諗起耶穌被人辱罵嘅一刻。他也是低著頭,沒有怨言,也沒有反駁,他心急嗎?他也心急,希望罪人快快醒來,莫再做罪和仇恨嘅勞役。而我每一天見到牆壁上辱罵警察嘅句子,漸漸也老練過來,並不是我習慣,而是我開始感恩。

原來天父正要我去經歷做基督徒應有嘅情操,在傳福音嘅路上本來就係臨時充滿辱罵,並不是我享受和樂意接受(我無咁偉大)。是為基督原故,我要學耶穌基督甘願接受,我就突然覺得輕鬆咗好多好多。

相反,我覺得那個晚晚唔瞓,浪費自己休息時間去散播仇警嘅人,真是可憐得很。因為他為著困苦,不斷自己給自己煩惱,我再不將眼睛放在牆上,盼望天父給我平靜嘅心去返工,而我感覺到這正是天父要我學嘅功課「盼望」。

好感恩,我放工嘅時候,那一列寫滿仇警字句嘅牆,被洗得一乾二淨,我為此感恩,但我相信,那個仇警嘅人不久,甚至今晚已經會再來噴字,但對我來說已經不再緊要,因為天父已經清洗了我心𥚃充滿怒火嘅牆了。